Zëvendës shefi i Komitetit Qendror të Partisë së Punës të Koresë së Veriut, Kim Yong-chol, mbërriti në Uashington, ku pritet të realizojë takim me Sekretarin amerikan të Shtetit, Mike Pompeo, transmeton Anadolu Agency (AA).

Agjencia e lajmeve Yonhap raporton se avioni i Kim, përndryshe një emër shumë i afërt i udhëheqësit veri-korean Kim Jong-un, ateroi në aeroportin ndërkombëtarë Dulles në Uashington.

Kim në Uashington fluturoi përmes Pekinit, kurse nga aeroporti u largua në shoqërim të një grupi që supozohet të kenë qenë zyrtarë amerikan dhe veri-korean.

Në aeroport i pranishëm ishte edhe i dërguari special i SHBA-ve për Korenë e Veriut, Stephen Biegun, i cili refuzoi të përgjigjet në pyetjet e gazetarëve.

Më tej theksohet se pritet që zyrtari verikorean të realizojë një takim me Sekretarin amerikan të Shtetit, Pompeo, dhe se ekziston mundësia që të takohet edhe me presidentin e SHBA-ve, Donald Trump, të cilit duhet t’i dorëzojë letrën e udhëheqësit të Koresë së Veriut, Kim Jong-un.

Administrata e Trumpit nuk është prononcuar lidhur me vizitën, ndërsa gazeta amerikane “Washington Post” shkruan se Trump pas vizitës së Kim Yong-chol mund të njoftojë takimin e tij të dytë me udhëheqësin verikorean.

Trump dhe Kim u takuan më 12 qershor të vitit të kaluar në Singapor, kurse të dy liderët gjatë këtij takimi u dakorduan për denuklearizimin e Gadishullit Korean.